សុំទុកចំណែកតូចមួយក្នុងបេះដូងអូនបានទេ
៙ក្រោយក្នុងបេះដូងអូនគ្មានបង
ស្នេហមាសនួនល្អងឱយអ្នកថ្មី
មិនយូរស្នេហគេចូលពេញផ្ទៃ
មិនទុកសូម្បីតិចតួចឡើយ។
មិនឱយស្នេហបងជ្រកបន្តិច
ពន្យល់ដូចម្តេចក៏ត្រាណត្រើយ
ដេញស្នេហបងចេញធ្វើកន្តើយ
សារមិនចង់ឆ្លើយញត្តិស្នេហា។
បងគ្រាន់ចង់ឱយអូនបានយល់
តែស្រស់និម្មលបែរគិតថា
បងរំខានជ្រែករឿងជីវា
លេខក៏ស្តីហាចង់ប្តូរផ្លាស់។
បានទេទោះបីអូនមានគេ
បេះដូងមាសមេបងសុំខ្លះ
ត្រឹមចំណែកតូចក៏គ្រាន់ណាស់
បានស្នេហបងច្បាស់អរគុណស្រី។
ស្នេហគេស្នេហចុះរឿងកន្លង
បងស្រស់ស្នេហស្នងស្អប់ម្តេចក្តី
អនុស្សាវរីយទាំងចាស់ថ្មី
បើចង់ពិសីលុបចោលចុះ។
កន្លែងតូចមួយនៃបេះដូង
បងសុំរូបអូនស្ងួនសណ្តោស
សំណល់ក្រោយស្នេហបំផ្លាញអស់
ទុកនៅកៀនកោះណាក៏បាន។
ឱយតែនៅក្នុងបេះដូងអូន
ទោះស្នេហបងសូន្យក៏សុខសាន្ត
ទោះត្រូវស្នេហគេជាន់ឈ្លីប្រាណ
ទាំងត្រូវកល្យាណប្រមាថដែរ។
ធ្វើម្តេចបើអូនដាច់ចិត្តហើយ
ពាក្យស្នេហគ្មានឡើយអាចចូលក្បែរ
បេះដូងដូចមុនកាលផ្អែមស្នេហ
បងបានត្រឹមតែសោកអាល័យ។
រាល់ការលះបង់ចិត្តនិងកាយ
វេលាមិនស្តាយចាយនឹងថ្លៃ
រលាយតាមខ្យល់ឈឺរាល់ថ្ងៃ
មិនបាច់សង្ស័យអូនខុសគ្នា។
បើអូនមិនព្រមឱយកន្លែង
ក្រៅពីចំបែងអូនពោលលា
នៅអាចសរសើរមាសពំងា
ប្រើតែមួយគ្រាស្នេហយើងស្លាប់៕៚
ដោយ តៃ សុវណ្ណារុណ
(មានគំនិតសរសេរ ព្រហស្បតិ, ២៦/០៩/២០១៣)
អាទិត្យ, ២៣:១៥–២៣:៤២, ២៩/០៩/២០១៣
ទំព័រដួងចិត្តកវី 