បើមិនចង់ឱយខ្វល់ពីអូន
នោះស្រស់មាសស្ងួនគួរប្រាប់ថា
អូនមិនចង់ធ្វើជាសង្សារ
របស់រៀមរ៉ាបងដើរដេញ។
បើព្រមជាសង្សារបងហើយ
សូមកុំតបឆ្លើយពាក្យទោម្នេញ
ថាបងរំខានគួរឱយជ្រិញ
ហាឡើងពេញៗជ្រែករឿងស្រី។
បើអូនធ្វើអ្វីគប្បីបង
កុំឡើយស្នេហស្នងលាក់បាំងថ្វី
បើសិនមានការលំបាក
ប្រុសអូនបេតីជាបង្អែក។
បងមិនលូកលាន់ពេលអូនទេ
សង្សឹមមាសមេចេះបែងចែក
ស្រឡាញ់មានសិទ្ធិសុំឆេរឆែក
បេះដូងរហែកអាចសុំប៉ះ។
តែអូនមិនគិតដូច្នេះឡើយ
ឱមាសត្រាណត្រើយបងឈឺណាស់
ពាក្យពីអូនអាចឱយស្បើយសះ
ក៏អាចចម្រាសមកសោកា។
អូនចោទថាបងមិនស្នេហអូន
មិនមើលបេះដូងធ្លាប់រក្សា
ស្រឡាញ់ទើបខ្វល់មាសជីវា
ឬជាសង្សារខ្វល់មិនបាន?។
អូនថាស្អប់បងសុំបែកគ្នា
ភ្លាមៗពំងាទម្លាក់ច្រាន
ខុសតែបងម្នាក់មនុស្សរំខាន
ត្រូវតែកល្យាណអ្នកសុំបែក៕៚
សៅរ, ២២:៤៧–២៣:០៨, ២១/០៩/២០១៣