អ្នកភ្ញាក់

វេលារាត្រីអន្ធការ

សព្វមនុស្សាដេកលង់លក់

ឆ្ងាញ់នឹងដំណេកងប់ងល់ជក់

ភ្នែកបិតចិត្តងក់មិនងាយដាស់។

មានម្នាក់បើកភ្នែកអាចក្រោយភា្ញក់

ទាំងងងឹតជាក់ខ្មៅគ្របក្រាស់

ទោះគ្រប់វត្ថុពាសស្អេកស្កះ

ពុំអាចប្រទះឃើញដោយភ្នែក។

អ្នកភ្ញាក់ប្រឹងរាវទាំងងងឹត

ឧបសគ្គដាស់ដិតលំបាកជ្រែក

តែមិនបោះបង់ឬរារែក

រហូតដល់វែកឃើញចង្កៀង។

ក៏ដុតបំភ្លឺចិញ្ចាំងចាច

អ្នកភ្ញាក់ក៏អាចលុះលប់លាង

ពន្លឺខ្មៅចេញមុនគេទៀង

ប្រសើរលើសជាងអ្នកទាំងឡាយ។

លុះរក្សាកុំឱយរលត់

ទើបអាចបែនពត់តាមទីឆ្ងាយ

អាចនាំពន្លឺទៅផ្សព្វផ្សាយ

ដាស់មនុស្សរាល់កាយឱយភ្ញាក់បាន។

ពន្លឺចង្កៀងដ៏តូចមួយ

ពុំអាចចួបជួយបានគ្រប់ប្រាណ

លុះម្នាក់ដាស់ម្នាក់តាមដើមដាន

ទើបភ្លឺសាន្តត្រាណទាំងអស់គ្នា៕—S.TAY, Fri, 12:40-13:10 21/10/11

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s