របស់ដែលបាត់

ពេលបាត់របស់​                               ម្ចាស់តែងក្រៀមក្រោះ

ខះខំស្វែងរក                                    គ្រប់ទីកន្លែង

ប្រឹងប្រែងសៀតស៊ក                      ខ្លួនចូលគ្រប់ច្រក

សង្ឃឹមប្រទះ។

ពេលបាត់ភ្លាមៗ                               បើម្ចាស់មិនស្ងៀម

ស្វះស្វែងរូតរះ                                    អាចឃើញវិញដែរ

ប៉ុន្តែបើម្នះ                                            គិតតែជំនះ

រកគ្មានគិតគូរ។

ឬពន្យារពេល                                      ថាមិនបាត់ទេ

ទោះឆាប់ឬយូរ​                                    នោះគឺប្រមាទ

ធ្វេសធ្វេមូទូ                                          គ្មានចិត្តតស៊ូ

គង់បាត់យំស្តាយ។

អ្នករើសបានអរ                                   អ្នកបាត់គោចរ

រុករកជិតឆ្ងាយ                                    រកមិនចួបចួន

ទុក្ខមិនរសាយ                                  ​​   ទ្រព្យគេសប្យាយ

ទ្រព្យឯងទុក្ខា។

ទ្រព្យគេទ្រព្យឯង                               សុទ្ធនាំចំបែង

ទាំងបីមាត្រា                                        ពេលមិនទាន់បាន

ទុក្ខចងតណ្ហា                                      ពេលបានហើយណា

ទុក្ខខ្លាចបាត់វិញ។

ពេលបាត់ទុក្ខទៀត                               ទុក្ខបីបៀនបៀត

ទុក្ខម្នោទោម្នេញ                                    នៅតែមិនរាង

តណ្ហាពោរពេញ                                    ចង់គ្មានចំនេញ

ចង់ច្រើនបានតិច។​

ភាពច្រើនបំផុត                                      ​គឺតិចបំផុត

ច្រើនពុំឈ្នះតិច                                      ការគិតជាធំ

ទ្រព្យខ្មៅកែគេច                                     ទ្រព្យសជានិច្ច

រក្សាឱយគង់។

ពេលបាត់ទីណា                                           ព្យាយាមពិចារ

រកទីល្អទ្រង់                                                    សមបាត់ធ្លាប់មក

រាវរកយល់យង់                                              ទ្រព្យអាចគង់វង់

ដ្បិតម្ចាស់ម៉ឺងម៉ាត់៕—S. TAY, Fri, 9:36-10:21, 22/07/11

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s